თუ არ იქნება სააკაშვილი, ქართული სახელმწიფოებრიობა არ იქნება, – ევროპარლამენტარებთან გამართული შეხვედრების შემდეგ, მიხეილ სააკაშვილის დედამ, ევროპელი კანონმდებლების პოზიციას გააჟღერა. პოლონელი დეპუტატის, რადოსლავ სიკორსკის სიტყვები ჟურნალისტებს გიული ალასანიამ კლინიკა „ვივამედთან“ გადასცა. ალასანია ევროპაში გამართულ შეხვედრებს იხსენებს და ამბობს, რომ სხდომაზე, რომელსაც თავად ესწრებოდა, ყველა გამომსვლელი თანხმდებოდა, რომ სააკაშვილის გარეშე, საქართველოს ევროინტეგრაცია ვერ მოხდება.
„სხდომაზე, რომელსაც ჩვენ დავესწარით, იქ ყველა გამომსვლელი იწყებდა [საუბარს] ჩემი შვილის თემით. საუბრობდნენ იმაზე, რომ თუ სააკაშვილი არ იქნება, არ იქნება, ჩვენი ევროკავშირში გაწევრიანება. სიკორსკიმ მაგალითად ასეთი აზრი გამოთქვა, რომ თუ არ იქნება სააკაშვილი, არ იქნება ქართული სახელმწიფოებრიობა“, – განაცხადა ალასანიამ.
ევროპარლამენტარ სიკორსკიზე, რომელზეც გიული ალასანია საუბრობს, დაახლოებით ერთ თვის წინ დასავლური პრესა წერდა. გამოცემები საუბრობდნენ, რომ ევროდეპუტატი არაბთა გაერთიანებული საამიროებიდან ყოველ წლიურად 100 ათას დოლარს იღებდა, თუმცა თანხის ამ მოცულობას ის დეკლარაციაში არ უთითებდა.