ევროკომისიამ პირობა დადო, რომ მილიარდ ევროს გამოყოფს თურქეთის აღდგენისთვის და 108 მილიონ ევროს სირიისთვის ჰუმანიტარული დახმარების სახით, 6 თებერვლის მიწისძვრის შემდეგ, რომლის შედეგად, ორივე ქვეყანაში 56 000-ზე მეტი ადამიანი დაიღუპა.
ბრიუსელში გამართულ საერთაშორისო დონორთა კონფერენციაზე ევროკომისიის პრეზიდენტმა, ურსულა ფონ დერ ლაიენმა ხაზგასმით აღნიშნა, რომ „გადარჩენილთა საჭიროებები უზარმაზარია და სასწრაფო წესით გადაწყვეტას ითხოვს“.
თურქეთის პრეზიდენტმა, რეჯეფ თაიფ ერდოღანმა განაცხადა, რომ მიწისძვრის შედეგად მიყენებული ზარალი 97 მილიარდ ევროს შეადგენს.
„ეკონომიკური მდგომარეობის მიუხედავად, შეუძლებელია ქვეყანა მარტო გაუმკლავდეს ამ მასშტაბის კატასტროფას“, – განაცხადა თურქეთის ლიდერმა.
კომენტარები