აშშ-ის სახელმწიფო მდივანმა, ენტონი ბლინკენმა განაცხადა, რომ ჩინეთის ლიდერის, სი ძინპინის მოსკოვში ვიზიტი ცხადყოფს ჩინეთის განზრახვას „დიპლომატიური საფარი“ უზრუნველყოს უკრაინაში რუსეთის მიერ ჩადენილი სისასტიკისთვის.
„ის, რომ პრეზიდენტი სი რუსეთში გაემგზავრა მას შემდეგ, რაც საერთაშორისო სისხლის სამართლის სასამართლომ პრეზიდენტ პუტინის დაპატიმრების ორდერი გასცა, იმაზე მეტყველებს, რომ ჩინეთი არ გრძნობს პასუხისმგებლობას კრემლს პასუხისმგებლობა დააკისროს უკრაინაში ჩადენილი სისასტიკისთვის და იმის ნაცვლად, რომ დაგმოს ის, ურჩევნია. დიპლომატიური საფარი უზრუნველყოს რუსეთისთვის, რომ [მან] გააგრძელოს სწორედ ამ დანაშაულების ჩადენა“, – აღნიშნა აშშ-ის სახელმწიფო მდივანმა.
მოსკოვში ვიზიტით მყოფმა ჩინეთის ლიდერმა, სი ძინპინმა რუსეთის პრეზიდენტთან, ვლადიმირ პუტინთან გამართულ შეხვედრაზე განაცხადა, რომ ჩინეთი და რუსეთი მსგავს მიზნებს იზიარებენ.
„სიმართლეა, რომ ჩვენი ქვეყნები ერთი და იგივე მიზნებს იზიარებენ. ჩვენ ვმუშაობთ ჩვენი ქვეყნების კეთილდღეობისთვის. ჩვენ შეგვიძლია ვითანამშრომლოთ და ერთად ვიმუშაოთ ჩვენი მიზნების მისაღწევად“, – აღნიშნა სი ძინპინმა.