ვაიომინგი გახდა პირველი ამერიკული შტატი, სადაც მედიკამენტური აბორტი აიკრძალა. ამის შესახებ BBC იტყობინება.
შტატის გუბერნატორმა, მარკ გორდონმა ხელი მოაწერა შესაბამის კანონს, რომელიც მანამდე ვაიომინგის საკანონმდებლო ორგანომ დაამტკიცა.
კანონის თანახმად, მედიკამენტური აბორტის ჩატარება ან მის ჩატარებაში ხელშეწყობა 6 თვემდე პატიმრობით და 9000 დოლარამდე ჯარიმით დაისჯება.
აღსანიშნავია, რომ სასჯელი არ ემუქრებათ ქალებს, რომლებსაც მედიკამენტური აბორტი ჩაუტარდათ – კანონი მხოლოდ პროცედურის ჩამტარებელ პერსონალზე გავრცელდება.
კანონი 1 ივლისიდან უნდა ამოქმედდეს და ის არ გავრცელდება ისეთ შემთხვევებზე, როდესაც ორსული ქალის სიცოცხლეს ან ჯანმრთელობას საფრთხე ემუქრება.
კომენტარები