“როგორც კი წონაში მოიმატებს ერთ გრამს, ცდილობს, ის ერთი გრამიც დაიკლოს, რომ მერე საზოგადოებას აჩვენოს, რა საშინლად გამოიყურება – მარტივი მანიპულაციაა”, – ამის შესახებ „ქართული ოცნების“ აღმასრულებელმა მდივანმა, მამუკა მდინარაძემ განაცხადა.
მისივე თქმით, სააკაშვილი თვითდაზიანების რეჟიმზეა.
„თუკი სააკაშვილს ჭამა არ შეუძლია, მაშინ მიიღოს სხვა სამედიცინო მომსახურება, რომელიც შესაბამისი რაოდენობის კალორაჟს მიაღებინებს. რადგან ამას არ აკეთებს, ეს იმას ნიშნავს, რომ ის ეწევა თვითდაზიანებას. როგორც კი წონაში მოიმატებს ერთ გრამს, ცდილობს, ის ერთი გრამიც დაიკლოს, რომ მერე საზოგადოებას აჩვენოს, რა საშინლად გამოიყურება. მარტივი მანიპულაციაა, რომელსაც მსოფლიოში არავინ წამოეგო და ახლა უნდათ, რომ მაინც და მაინც საქართველო წამოაგონ“, – აღნიშნა მდინარაძემ.
კომენტარები