„პრეზიდენტის ყოველწლიურ მოხსენებას, სავარაუდოდ, პაატა მანჯგალაძე დაესწრება. მე, ალბათ, არ დავესწრები ამ სხდომას, დროც არ მაქვს და არც გამოსვლის უფლება მაქვს”, – ამის შესახებ „სტრატეგია აღმაშენებლის“ ლიდერმა, გიორგი ვაშაძემ განაცხადა.
ვაშაძის თქმით, ზურაბიშვილთან მიმართებით ნულოვანი ნდობა აქვს.
“ისეთი წესები გააკეთეს, მე გამოსვლის უფლება არ მექნება და მოსმენით ტელევიზიითაც მოვუსმენთ. ვიდრე სალომე ზურაბიშვილი ექსპერტული შეფასებებიდან კონკრეტულ ნაბიჯებზე არ გადავა, მე მასთან მიმართებით მაქვს ნულოვანი ნდობა. ამდენი ხანია, მთელი ევროპა, მთელი საქართველო ითხოვს, რომ მან შეწყალების მექანიზმი გამოიყენოს და არ იყენებს. კიდევ ერთხელ ვამბობ, ნდობა არ მაქვს და ვფიქრობ, რომ ხვალ გაცილებით მნიშვნელოვანი საკითხებით დავკავდები”, – აღნიშნა ვაშაძემ.
ცნობისთვის, საქართველოს პრეზიდენტი, სალომე ზურაბიშვილი ყოველწლიური მოხსენებით პარლამენტში ხვალ წარდგება.