”რუსთავი 2”-ის გენერალური დირექტორი ნიკა გვარამია თბილისის საქალაქო სასამართლოში გამოკითხვაზე გამოცხადდა.
გვარამიას გამოკითხვა მასსა და თბილისის საქალაქო სასამართლოს ყოფილ თავმჯდომარეს მამუკა ახვლედიანს შორის ფარული აუდიო ჩანაწერის საქმეზე უნდა მოხდეს.
როგორც გვარამიამ აღნიშნა, მისთვის უცნობია გამოძიებას ამ საქმესთან დაკავშირებით დამატებითი რა ინფორმაცია აინტერესებს. როგორც გვარამიამ აღნიშნა, აღნიშნულ ჩანაწერში ფიგურირებდა სამი ადამიანი, მეოთხე პირი კი საუბარში არ მონაწილეობდა და უბრალოდ ოთახში შემოდიოდა და გადიოდა.
ნიკა გვარამიამ ასევე გამოეხმაურა მამუკა ახვლედიანის განცხადებას, იმის შესახებ, რომ საუბარში ოთხი ადამიანი მონაწილეობდა. გვარამია აღნიშნულს არ ადასტურებს და აცხადებს, რომ საუბარი სამ პირს შორის იყო. „თუმცა, სხვა პირები მიდი-მოდიოდნენ, მაგრამ მე ისინი არ დამიმახსოვრებია“, – აცხადებს „რუსთავი 2-ის“ გენერალური დირექტორი.