ერთი მნიშვნელოვანი დასკვნა, რომელიც შეგვიძლია გამოვიტანოთ მიუნხენის უსაფრთხოების კონფერენციიდან არის ის, რომ ნათლად გამოჩნდა, რამხელა რაციონალი და ლოგიკა დგას ძლიერი ევროკავშირის უკან, – ამის შესახებ საქართველოს პრემიერ-მინისტრმა განაცხადა.
„მე აღარ ჩამოვთვლი სხვა მნიშვნელოვან შეხვედრებს. ერთი მნიშვნელოვანი დასკვნა, რომელიც შეგვიძლია გამოვიტანოთ მიუნხენის უსაფრთხოების ორდღიანი კონფერენციიდან გახლავთ ის, რომ ყველაზე ნათლად გამოჩნდა, თუ რამხელა რაციონალი და ლოგიკა დგას ძლიერი ევროკავშირის უკან, ანუ რამდენად მნიშვნელოვანია დღევანდელი უსაფრთოების, პოლიტიკური და ეკონომიკური გამოწვევების პირობებში ძლიერი ევროკავშირის არსებობა. კიდევ ერთხელ გამოჩნდა ის სინერგია, რომელიც არსებობს ევროკავშირის ქვეყნებს შორის, ერთიანი ბაზრის ძალა და ასევე, უსაფრთხოების კუთხით ძლიერი ევროკავშირის მნიშვნელობა. ჩვენ გვქონდა საშუალება, საპანელო დისკუსიების დროს გვესაუბრა საქართველოს სტრატეგიაზე, ასევე, იმ პოზიტიურ ტენდენციებზე, რომელიც ქვეყანაში უდავოდ არის და ასევე, ოკუპაციის პრობლემებზე და საერთაშორისო თანამეგობრობის ჩართულობის მნიშვნელობაზე ამ პრობლემის დარეგულირებაში“, – განაცხადა გიორგი კვირიკაშვილმა.