თბილისის ვიცე მერმა ლაშა აბაშიძემ ქალაქის მერ დავით ნარმანიასთან და თბილისის კეთილმოწყობის საქალაქო სამსახურის ხელმძღვანელ გივი კუბლაშვილთან ერთად სვანეთის ქუჩა დაათვალიერა.
როგორც ლაშა აბაშიძემ განაცხადა, სტიქიის შემდეგ მოხდა სვანიძის ქუჩის სრული რეაბილიტაცია, დაიგო ასფალტი, ასევე მოხდა ინსფრასტრუქტურული სამუშაოების დასრულება.
„სვანიძის ქუჩა იყო ერთ-ერთი ისეთი ეპიცენტრი, რომელიც ყველაზე ძლიერად დაზიანდა. აქ მთლიანად დაიტბორა ქუჩა. ჩვენ განვახორციელეთ იმ სახლების გამოსყიდვა, რომელიც მოექცა პირველ კატეგორიაში, ხოლო მეორე კატეგორიის სახლებს ჩვენ დავუფინანსეთ რემონტები. შეიძლება ითქვას, რომ სრულად მოხდა დაზიანებული სახლების დემონტაჟი და გამოთავისუფლებულ ადგილზე გვსურს სარეკრიაციო ზონა შევქმნათ, ასევე აღნიშნულ ქუჩაზე დავაგეთ გზა და გავიყვანეთ კომუნიკაცია“, – განაცხადა ლაშა აბაშიძემ.