თბილისში დღეს მე-7 მარათონი იწყება. მარათონი 30 სექტემბერს 9:00 საათზე რუსთაველის გამზირზე, პირველ კლასიკურ გიმნაზიასთან აიღებს სტარტს.
გარბენი სამ განსახვავებულ მანძილს მოიცავს. ორგანიზატორები წელს “თბილისი მარათონზე” 3000-მდე მონაწილეს ელოდებიან. რეგისტრაციიდან შესულ თანხას „პირველ ნაბიჯს გადასცემენ. შესაბამისად, მარათონის თითოეული მონაწილე ქველმოქმედი ხდება. „პირველი ნაბიჯი“ ორგანიზაციაა, რომელიც უკვე 20 წელზე მეტია მუშაობს განსაკუთრებული საჭიროების მქონე ბავშვებთან.
მარათონის მიზანი ასევე ჯანსაღი ცხოვრების პოპულარიზაციაა.
2015 წლიდან “თბილისი მარათონი” მარათონებისა და გრძელ დისტანციებზე გარბენთა საერთაშორისო ასოციაციის (AIMS) წევრია, შესაბამისად ღონისძიება საერთაშორისო სტანდარტების დაცვით ტარდება, შედეგების დათვლაც მსოფლიოში აპრობირებული, MYLAPS-ის Official Timekeeping and Data Processing სისტემით მოხდება.