“ეკა კვესიტაძე რასაც ცდილობდა, ეხმარებოდა დიანა ტრაპაიძე. მე მოვახერხე რომ თავშივე დამეცილებინა. მოვახერხე და ჩავწიე ერთმანეთისგან“, – ეს განცხადება ყოფილმა პრემიერმა, “ქართული ოცნების” თავმჯდომარე ბიძინა ივანიშვილმა მედიის წარმომადგენლებთან შეხვედრისას გააკეთა.
”ინტერვიუს ჩაგდების სურვილი ჰქონდა კვესიტაძეს. საუბარს არც მე და არც კოლეგებს აცდიდა. ძალიან უკულტუროდ მოიქცა. ასეთი არ უნდა იყოს ჟურნალისტი. ეს იყო სირცხვილი, რაც ინტერვიუს დროს ვუთხარი. რატომ იქცეოდა? მათ ეშინიათ სიმართლის. ჩაკეტილ ტელევიზიაში რასაც საუბრობენ, ცდილობენ, როგორმე ხალხს არ გაეგო ჩემგან ნაპასუხები. განსხვავებული აზრის გადაფარვას ცდილობდნენ. რეალურად, მათ ხელისუფლებასთან შეკითხვები არ აქვთ. ერთადერთი, რასაც ცდილობდნენ, როგორმე არ მელაპარაკა”, – განაცხადა ივანიშვილმა.
მოქალაქეთა პოლიტიკური გაერთიანება “ქართული ოცნება – დემოკრატიული საქართველოს” თავმჯდომარე ბიძინა ივანიშვილი განაგრძობს მედიის წარმომადგენლებთან შეხვედრებს. ამჯერად ბიძინა ივანიშვილი “მაესტროს”, “ობიექტივის”, “პალიტრანიუსის”, “კავკასიას”, “იბერია TV”-ს წარმომადგენლებს ხვდება.