ბიძინა ივანიშვილი – გარწმუნებთ, ასე არ არის

პარტია “ქართული ოცნება – დემოკრატიული საქართველოს” თავმჯდომარის ბიძინა ივანიშვილის განცხადებით, გავრცელებული ინფორმაციები, რომ თითქოს მასთან ბიზნესმენი ვანო ჩხარტიშვილი და ყოფილი მთავარი პროკურორი, ოთარ ფარცხალაძე დადიან და შემდეგ გარეთ საქმეებს ალაგებენ სიცრუეა.
როგორც ბიძინა ივანიშვილმა ჟურნალისტებთან შეხვედრისას შესაბამისი კითხვის საპასუხოდ განაცხადა, ის ყველა ბიზნესმენს ეხმარება.
“ძირითადად, ვანო ჩხარტიშვილს და ფარცხალაძეს მოიხსენიებენ, რომ თითქოს, ჩემთან მოდიან და მერე გადიან და გარეთ საქმეებს ალაგებენ – გარწმუნებთ, ასე არ არის. გარწმუნებთ, რომ ყველა ბიზნესმენს ვეხმარები, ოქუაშვილს, შეიძლება, ყველაზე მეტი დავეხმარე, ოღონდ მან ამ ფორმით არ მიიღო და სხვა მიმარუთლებით განვითარდა, ყიფიანთან ერთად, როდესაც თამბაქოს მრეწველობას, პრაქტიკულად, მათ ვჩუქნიდი. მათ შორის, იმ 10 მილიონ დოლარსაც, რაც მათ ბიზნესს გაამყარებდა და მათ დიდი პერსპექტივა ეშლებოდათ წინ. თუ წაიკითხეთ ბაჩიაშვილის ინტერვიუ, ეს იქ კარგად იყო გაშლილი”, – განაცხადა ბიძინა ივანიშვილმა.