“პოლიტიკაში დაბრუნების ერთ-ერთი მიზეზია, რომ კრიმინალებმა და ბიზნესმენებმა სახელმწიფოს დაშანტაჟება ვერ შეძლონ”

პარტია “ქართული ოცნების” თავმჯდომარემ ბიძინა ივანიშვილმა 2018 წლის საპრეზიდენტო არჩევნებამდე 2 დღით ადრე ტელეკომპანიების ჟურნალისტებისთვის მიცემულ ინტერვიუში პოლიტიკაში დაბრუნების მიზეზი განმარტა.
ივანიშვილის განცხადებით, პოლიტიკაში დაბრუნების ერთ-ერთი მიზეზია, რომ კრიმინალებმა და ბიზნესმენებმა სახელმწიფოს დაშანტაჟება ვერ შეძლონ.
“1 წელიც არ დასჭირდება, რომ ის შიში რაც ჩვენ საზოგადოებაში დღეს და არ დავმალოთ ეს, მე საზოგადოების ბევრ წევრს შევხვედრივარ, რომელსაც შიში აქვს თვალებში და გამოუთქვამს, რაღაც არ მოხდეს, რაღაც უბედურება არ დაგვემართოს, კიდე არ ამოვაყირაოთ სახელმწიფო, იგრძნობა და თვითონ გრძნობენ კარგად და ჰგონიათ, რომ მათ. ისინი შეძლებენ და მოახერხებენ აი ეს, ეს უხეში ნაწილი, პირობითად ორად თუ გავყოფთ, ჩემი დაბრუნების აზრს, პირველი, რომ ვერტიკალის გამყარებით აღარ დარჩეს იმის ცდუნება, რომ სახელმწიფოს დაშანტაჟება შეუძლიათ ვიღაცებს, კრიმინალებს, თუ გნებავთ.
ბიზნესმენებსაც თუ გნებავთ, ვისაც ევალებათ კანონით რაღაცის გადახდა, ან კანონი აქვთ დარღვეული და მისი შესრულება… შესრულების ნაცვლად, აღსრულებაზე აქვთ გართულება და ამიტომ, ისევ სააკაშვილთან გარბიან და ისევ გვარამიასთან გარბიან, ეს ერთი ნაწილი.
ეს არის ჩემი მოსვლის მიზეზი, რომ მკაცრი ვერტიკალით, ძალიან სწორი და ზუსტი მენეჯმენტი სჭირდება ამას ყველაფერს, რომ ეს ცდუნება არ დარჩეს მათ, ვინც კანონის გვერდის ავლით ცდილობენ სახელმწიფოს საზიანოდ და მეორე და უფრო სწორი და უფრო პირდაპირი და მთავარი ის, რომ უფრო ეფექტური გახდეს ჩვენი ხელისუფლება რამეთუ, ჩვენ ჩვენი სიღარიბე უნდა დავძლიოთ უფრო დიდი ტემპებით და უფრო სწრაფად…. გუნდი, რომელიც ახალი გუნდია და მთავრობის სახით, ახალი პრემიერი მე ვფიქრობ, რომ ძალიან ეფექტურია, ძალიან ინოვაციური გუნდი იქნება და ჩვენ ვსაჭიროებთ აუცილებლად ახალ იდეებს, რომ როგორმე მოვახერხოთ და სიღარიბე დავძლიოთ უფრო სწრაფად და უფრო დიდი ტემპებით.
ეფექტურობა გაიზრდება მმართველი გუნდის, არ იფიქროთ, ოღონდ აქვე არ გაჩნდეს ცდუნება, ოღონდ მე მოვედი და ყველას ყველაფერს ვასწავლი და დავარიგებ და ყველაფერს მე გავაკეთებ, მთავრობას ექნება მთავრობის როლი, კიდევ ერთხელ გავიმეორებ, პარლამენტს ექნება პარლამენტის, პარტიას ექნება პარტიის, რაც ყველაზე სუსტია დღეს და პარტიის გამაგრებაზე ვიზრუნებ პირველ რიგში და იქ არის საბჭოები და ამ საბჭოების სახით, მე დავეხმარები კონსულტაციებით და მივიღებთ საუკეთესო მმართველობას, რაც მოგვცემს საფუძველს, ეკონომიკის უფრო სწრაფი ტემპებით ზრდას, რომ რაც შეიძლება სწრაფად დავძლიოთ ჩვენი სიღარიბე”, – განაცხადა ბიძინა ივანიშვილმა.