ბიძინა ივანიშვილი – ასე იოლი არ არის ჩემი ლიკვიდაცია, მაგათ მაგის საჯდომები არ აქვთ

პარტია “ქართული ოცნების” თავმჯდომარე ბიძინა ივანიშვილი, მედიაში გავრცელებულ აუდიოჩანაწერს გამოეხმაურა, სადაც სავარაუდოდ მიხეილ სააკაშვილი და მისი ბიძა თემურ ალასანია საუბრობენ.
“იმ ჩანაწერების მე არ მჯერა, სანამ ავთენტურობა არ დამტკიცდება, რაც გუშინ გამოვიდა და რაზეც საუბრობდნენ ექსპრეზიდენტი და მისი ბიძა. თუმცა არაფერი არ მიკვირს, არ მიკვირს თუნდაც ის, ჩემთან დამოკიდებულებებიც. ნახეთ გვარამიას გამონათქვამი კვესიტაძესთან ერთად, რა სიტყვებს ხმარობს ჩემზე და როგორ ცდილობს, რომ ესენი ამაზე არიან წამსვლელები. ეს ეჭვს არ იწვევს, მაგრამ უკაცრავად და საზოგადოებას ვეტყვი, მაგათ მაგის საჯდომი არ აქვთ. ესე იოლი არ არის ჩემი ლიკვიდაცია, რაზეც გვარამია ოცნებობს, საკუთარ თავს უკეთებენ ეს უბედურები ამას ყველაფერს და ვერ გრძნობენ, მაგათ მაგის. მაგათ მაშინ ჰქონდათ, მგლის ხროვასავით ერთად რომ იყვნენ, მთელი სახელმწიფო ბერკეტები და ინსტრუმენტები რომ ჰქონდათ მთელი პოლიცია, მაშინ ჩაგრავდნენ ქართველ კაცს, მაშინ, მაშინ აუპატიურებდნენ, მაშინ კლავდნენ, მაშინ ჩადიოდნენ ყველაფერს, ახლა მაგათ მაგის თავი სადა აქვთ. ეს ეგრე არ არის, არც იფიქროთ, გულშიც არ გაივლოთ, არა, რო წამსვლელები არიან კი ბატონო, ეჭვს არ იწვევს.
მაგრამ თუ ვინმეს რამე შიში და რამე ფიქრიც გაქვთ, არაფრის თავი მაგათ მაგის მსგავსი არ აქვთ, საკუთარი შარვლიდან ხტება ეს საცოდავი, ეს პატარა კაცები კარგად თქვა კობახიძემ, იმ ფრაზას ვიმეორებ, ათჯერ უკვე გავიმეორე, ვისაც ვხვდები ყველას მაგას ვუყვები თავის გამოსვლაში გუშინ, როდესაც ქალბატონ სალომეს დავუჭირეთ მხარი, სპორტის სასახლეში შეკრებაზე. პატარა კაცები ებრძვიან, სუსტი კაცები ებრძვიან ძლიერ, ძლიერ ქალბატონს, ძალიან კარგი იყო. ეს პატარა კაცები წამომცდა, მაგრამ სააკაშვილი მაღალია, მაგრამ პატარა კაცია. ესენი პატარები არიან, ესენი სუსტები არიან, სუსტი კაცები არიან”, – განაცხადა ბიძინა ივანიშვილმა.