“ჩვენს აქტივისტებს, კომისიის წევრებს მინდა დიდი მადლობა ვუთხრა. მეგობრებო, ახლა მოიმარაგეთ ყავა, “რედ ბული”, ჩაი, აგერ მეც ჩაის ვსვამ გაუჩერებლად, გავსკდი ნერვიულობით, ამის შორიდან ყურება როგორია. ყველა ოქმი დავიცვათ”,– ამის შესახებ საქართველოს ყოფილმა პრეზიდენტმა მიხეილ სააკაშვილმა”რუსთავი 2″- ის ეთერში განაცხადა.
ამასთან, სააკაშვილი ფიქრობს, რომ მეორე ტური გარდაუვალია.
“რუსთავი2”-ის დაკვეთით ჩატარებული გამოკითხვის შედეგები, რომლის თანახმადაც, არჩევნებში ხმები თანაბრად გადანაწილდა და მეორე ტური გარდაუვალია“, – განაცხადა სააკაშვილმა.
ცნობილი გახდა 2018 წლის საპრეზიდენტო არჩევნებზე კომპანია “ფსიქოპროექტის” მიერ “ქართული ოცნების” დაკვეთით ჩატარებილი ეგზიტპოლის შედეგები.
“ქართული ოცნების ეგზიტპოლით”, პრეზიდენტობის კანდიდატების შედეგები შემდეგნაირად გადანაწილდა:
- სალომე ზურაბიშვილი – 52.3%;
- გრიგოლ ვაშაძე – 28.1%;
- დავით ბაქრაძე – 9.2%;
- სხვა კანდიდატები – 10.4
კვლევის ცდომილება, “ქართული ოცნების” ცნობით, 2-3%-ია.
“ფსიქოპროექტი” არის ზურაბ ბიგვავას მიერ დაფუძნებული კვლევითი კომპანია. თავად ბიგვავა კი უკვე წლებია, ბიძინა ივანიშვილთან დაახლოებული პირია.
რადიკალურად განსხავებულია რუსთავი 2-ის მიერ ჩატარებული ეგზიტპოლის შედეგები. რუსთავი 2-ის ეგზიტპოლით, აუცილებლად უნდა გაიმართოს არჩევნების მეორე ტური.
რუსთავი 2-ის ეგზიტპოლით, პრეზიდენტობის კანდიდატების შედეგები შემდეგნაირად გადანაწილდა:
- სალომე ზურაბიშვილი – 40%;
- გრიგოლ ვაშაძე – 40%;
- დავით ბაქრაძე – 10%;
- ზურაბ ჯაფარიძე – 2%;
- დავით უსუფაშვილი – 2%;
- შალვა ნათელაშვილი – 3%;
რუსთავი 2-ის დაკვეთით ეგზიტპოლი ამერიკულმა კვლევითმა ორგანზიაცია “ედისონ რისერჩმა” ჩაატარა. სწორედ აღნიშნულ კომპანიას დაუკვეთა რუსთავი 2-მა ეგზიტპოლის ჩატარება 2010, 2012 და 2017 წლების არჩევნებზე.
რუსთავი 2-ის ცნობით, ეს არის წინასწარი, დღის 4 საათისთვის არსებული მონაცემები. სრული შედეგები კი მოგვიანებით გამოქვეყნდება. ეგზიტპოლის ეს შედეგები ნიშნავს, რომ უნდა გაიმართოს არეჩევნების მეორე ტური.
როგორც “ედისონ” რისერჩი აცხადებს, ცდომილების ზღვარია 3%. გამოკითხვა ჩატარდა 115 საარჩევნო უბანზე და დათვლილია 10 ათასზე ემტი ბიულეტენი.