ახლა შეეცდებიან გაამყარონ წარმოდგენა იმის თაობაზე, რომ ისინი არიან ნათელი ძალა, – ამის შესახებ ჯანდაცვის კომიტეტის თავმჯდომარემ აკაკი ზოიძემ ახალქალაქში “ძალა ერთობაშიას” წევრებზე თავდასხმასთან დაკავშირებით განაცხადა.
“ძალადობა მიუღებელია, ოღონდ დასადგენია ვისგან არის ეს ძალადობა. ძალადობით ცნობილი ჩვენი ოპონენტები ყოველთვის ცდილობენ, რომ თავიანთი ხელწერა გადმოგვაბრალონ ჩვენ. წინასწარ გიანონსებთ, რომ უკვე გაერთიანებულ “ნაციონალურ მოძრაობას” არაერთი ასეთი მცდელობა ექნება. რევანშის წყურვილით ანთებული თვალებით მოდიან უკვე და რიხი მიეცათ. ახლა შეეცდებიან, რომ უამრავი პროვოკაცია ჩაატარონ, ახალ-ახალი მეთოდები იხმარონ, იმიტომ, რომ ამ არჩევნების შედეგებმა მათ მისცა პოლიტიკური რიხი. ახლა შეეცდებიან გაამყარონ წარმოდგენა იმის თაობაზე, რომ ისინი არიან ნათელი ძალა, რაც ჩემთვის პოლიტიკური ცინიზმის მწვერვალია”, – განაცხადა აკაკი ზოიძემ.