სპეციალური პენიტენციური სამსახურის უფროსმა, ზვიად მიხანაშვილმა თანამდებობა დატოვა. ამის შესახებ ინფორმაციას უწყებაში ადასტურებენ, თუმცა მიზეზს ამ ეტაპზე არ აკონკრეტებენ.
ზვიად მიხანაშვილის გადადგომის შესახებ ცნობას ადასტურებს იუსტიციის მინისტრი, თეა წულუკიანი. როგორც წულუკიანმა განაცხადა, მიხანაშვილმა გუშინ, 30 ოქტომბერს დაწერა განცხადება წასვლის შესახებ.
ზვიად მიხანაშვილი 2018 წლიდან იკავებდა პენიტენციური სამსახურის უფროსის პოსტს. იგი 2015-2016 წლებში სასჯელაღსრულებისა და პრობაციის სამინისტროს პენიტენციური დეპარტამენტის დირექტორი იყო.
კომენტარები