“საჭიროა იმ ამომრჩევლის მოზიდვა, რომელიც არჩევნების პირველ ტურში არ მოსულა”

უმრავლესობის დეპუტატმა, გედევან ფოფხაძემ „ქართული ოცნების“ ოფისში მაჟორიტარ დეპუტატებთან შეხვედრის დაწყებამდე საარჩევნო შტაბის მნიშვნელობაზე ისაუბრა. როგორც მან აღნიშნა, შტაბმა იმ ამომრჩევლის მობილიზება უნდა მოახდინოს, რომელიც საპრეზიდენტო არჩევნების პირველ ტურში არ მისულა.
„დღეს რეგიონულ შტაბებთან მიმართებაში გვექნება საუბარი. მეც მაქვს გარკვეული მოსაზრებები, რომელიც მინდა, კოლეგებს გავაცნო. ამ ეტაპზე. ამოცანა არის, რომ შტაბების მუშაობის ეფექტიანობა გაიზარდოს, რადგან საჭიროა იმ ამომრჩევლის მოზიდვა, რომელიც არჩევნების პირველ ტურში არ მოსულა გარკვეული მიზეზების გამო. შესაბამისად, შტაბების ფუნქციაა ამ კატეგორიის ამომრჩეველთან მუშაობა“, – განაცხადა ფოფხაძემ.
შეგახსენებთ, რომ „ქართული ოცნების“ ცენტრალურ ოფისში მაჟორიტარ დეპუტატებთან შეხვედრა მიმდინარეობს.