კანაფის კულტივაციის შესახებ კანონპროექტის პარლამენტიდან გაწვევაზე ხელისუფლების მიერ დღეს მიღებული და საპატრიარქოსთან გაზიარებული გადაწყვეტილება პასუხობს საზოგადოებაში არსებულ განწყობასა და მოლოდინს, – ამის შესახებ პრეზიდენტობის დამოუკიდებელი კანდიდატი სალომე ზურაბიშვილი სოციალურ ქსელში წერს.
სალომე ზურაბიშვილი მიიჩნევს, რომ მსგავსი საკითხები საზოგადოებისა და საპატრიარქოს გარეშე არ უნდა წყდებოდეს.
„ეს იყო ის, რაც ჩემი სამთვიანი კამპანიის დროს ყველგან მოვისმინე ხალხისგან, უპირველეს ყოვლისა, დედებისგან, საქართველოს ყველა რეგიონში.
მიხარია, რომ ამ საერთო დასკვნამდე მივედით, რამეთუ ასეთი საკითხი საზოგადოებისა და საპატრიარქოს გარეშე არ უნდა წყდებოდეს“, – წერს სალომე ზურაბიშვილი Facebook-ზე.
კომენტარები