ბათუმის 29-ე საარჩევნო უბანზე ხმაურია. ერთმანეთს გაერთიანებული ოპოზიციის “ძალა ერთობაშიას” და “ქართული ოცნების”მხარდამჭერები დაუპირისპირდნენ.
როგორც „ინტერპრესნიუსის“ კორესპონდენტი ადგილიდან იუწყება, “ნაციონალური მოძრაობის” წევრებმა “ქართული ოცნების“ კოორდინატორებს საარჩევნო უბანთან სიები წაართვეს, რასაც დაპირისპირება მოჰყვა.
როგორც “ნაციონალური მოძრაობის “წევრი გია ხალვაში ამბობს, საარჩევნო უბანთან ქალები სიებით გადაადგილდებოდნენ, რაც კანონდარღვევაა.
“ქალბატონები საარჩევნო უბანთან სიებით გაადაადგილდებოდნენ, სიების წართმევა მოხდა. სიები ჩვენთან არის. როგორც მტკიცებულება და მალე გაჩვენებთ”,- განაცხადა გია ხალვაშმა.
ადგილზე სამართალდამცავები იმყოფებიან. ასევე უბანთან მივიდნენ „ქართული ოცნების“ უმაღლესი საბჭოს წევრები.
“არაფერი კანონდარღვევა არ არის. ეს არის ჩვენი მხარდამჭერების სია, რომელიც უნდა დაგვიბრუნონ, რათა ვაჩვენოთ ჟურნალისტებს, რომ არაფერი კანონდარღვევა არ ხდება“,- განაცხადა „ქართული ოცნების“ დეპუტატმა ვლადიმერ მგალობლიშვილმა.