თბილისში, წერეთლის გამზირიდან ავტომობილი გაიტაცეს. შემთხვევა მაშინ მოხდა, როდესაც მანქანის მფლობელი ჩასარიცხ აპარატში ფულის ჩასარიცხად გადავიდა.
არსებული ინფორმაციით, გამტაცებელი, რომელმაც მანქანა გაიტაცა, მალევე ავარიაში მოყვა.
ავტოსაგზაო შემთხვევის შედეგად, სულ ექვსი მანქანა დაზიანდა. როგორც პირველ არხს შინაგან საქმეთა სამინისტროში განუცხადეს, გამტაცებელი ცხელ კვალზე დააკავეს.
გამოძიება სისხლის სამართლის კოდექსის 177-ე მუხლის მესამე ნაწილით მიმდინარეობს, რაც 4-დან 7 წლამდე პატიმრობას ითვალისწინებს
კომენტარები