თბილისში, გვიან ღამით დაჭრილი ახალგაზრდების ჯანმრთელობის მდგომარეობა სტაბილურია.
ღუდუშაურის კლინიკის ექიმის ინფორმაციით, სამივე ახალგაზრდას ჭრილობები ცივი იარაღით აქვთ მიყენებული. სამივე მათგანს გაეწია შესაბამისი დახმარება და მათ სიცოცხლეს საფრთხე არ ემუქრება.
“აღენიშნებოდათ ცივი იარაღით მიყენებული ჭრილობები. ერთს ჰქონდა ჭრილობა გულმკერდის არეში და გაეწია პირველადი დახმარება. ოპერაციული ჩარევა არ ესაჭიროება. მეორე პაციენტს ჰქონდა ჭრილობა ბარძაყის არეში. სისხლდენის ინტენსივობა შედარებით ძლიერი იყო, ამიტომ აყვანილ იქნა საოპერაციოში. მესამეს – დუნდულის მიდამოში ჰქონდა ჭრილობები. ისიც აყვანილ იქნა საოპერაციოში. მდგომარეობა სტაბილურია. მათ სიცოცხლეს საფრთხე არ ემუქრება“, – განაცხადა ექიმმა ნიკოლოზ დემეტრაძემ.
მეოთხე დაჭრილი ალადაშვილის კლინიკაში გადაიყვანეს. საფრთხე არც მის სიცოცხლეს ემუქრება.