პარლამენტის საგარეო კომიტეტის სხდომაზე, ერთმანეთს ფრაქცია ”ევროპული საქართველოს” წევრი გიგა ბოკერია და პარლამენტის საგარეო ურთიერთობათა კომიტეტის თავმჯდომარის მოადგილე დიმიტრი ცქიტიშვილი დაუპირისპირდნენ.
„თქვენობით მელაპარაკე და მორალს ნუ მიკითხავ… სამარცხვინოა, როცა არგუმენტის მაგივრად მორალის კითხვას იწყებ აქ. ერთი ფრაზა ვთქვი და რა ნერვები გაქვთ ეგეთი, რა სენსიტიურები ხართ, რა ნაზები ხართ,“ – მიმართა გიგა ბოკერიამ დიმიტრი ცქიტიშვილს.
კამათის დროს, დიმიტრი ცქიტიშვილმა ”ევროპული საქართველოს” წევრი სხდომაზე დესტრუქციის მოხდენის მცდელობაში დაადანაშაულა და განაცხადა, რომ თუკი სხდომა არ მოსწონს, შეუძლია ის დატოვოს.
„თქვენი არგუმენტიც ვერ მოვისმინე საერთოდ. ერთადერთი არგუმენტია, დესტრუქცია მოახდინოთ და მეტი არაფერი. ამ ფორმატში გინდათ წავიყვანო ეს სხდომა და აზრი არ აქვს და თუ არ მოგწონს გადი რა,“ – მიმართა ცქიტიშვილმა ბოკერიას.