პარტია ქართული ოცნების პოლიტიკური მდივანი, ირაკლი ღარიბაშვილი ფიქრობს, რომ ეკა ბესელია და მასთან ერთად პარტიიდან წასული ადამიანები შესაძლოა ვინმემ ბრმა იარაღად გამოიყენა. ამის შესახებ მან ტვ პირველის გადაცემა “რეაქცია”-ში სტუმრობისას ისაუბრა.
“მე ასეთი განცდა მაქვს, გულწრფელად გეუბნებით, როცა აყენებ მოთხოვნას, რომ იდეალურად იყოს ყველაფერი, ეს ასე არ იქნება, არცერთი პარტია და ხელისუფლება არ იქნება იდეალური, მე ასეთი პოზიცია მაქვს, თუ გაქვს შეკითხვა, რაც ხდება პარტიაში, უნდა დარჩეს პარტიაში. არ შეიძლება პარტიის შიგნით განხილული თემები გამოიტანო საჯაროდ და შენი მტრის წისქვილზე დაასხა წყალი”- განაცხადა ირაკლი ღარიბაშვილმა.
ჟურნალისტი ჩაეკითხა, დაასხეს თუ არა მტრის წისქვილზე წყალი ეკა ბესელიამ, ზვიად კვაჭანტირაძემ ან ლევან გოგიჩაიშვილმა, რაზეც ირაკლი ღარიბაშვილმა უპასუხა, რომ ასე გამოვიდა.