მთავრობის გადაწყვეტილებას, ევროსასამართლოს მოსამართლეობის კანდიდატად ევა გოცირიძის დასახელების ფაქტს პარლამენტის ადმიანის უფლებათა დაცვის კომიტეტის ხელმძღვანელი, ეკა ბესელია გამოეხმაურა.
ეკა ბესელია ფიქრობს, რომ მთავრობამ სწორი გადაწყვეტილება მიიღო და გოცირიძის შერჩევა კანონმდებლობისა და დებულების სრული დაცვით მოხდა.
“ეს პროცედურები საერთაშორისო კანონმდებლობით არის გაწერილი. არის სპეციალური დებულებაც, რომელიც ამ პროცესს არეგულირებს. მთავრობამ მიიღო შესაბამისი გადაწყვეტილება,”– განაცხადა ეკა ბესელიამ.
სტრასბურგის სასამართლოში საქართველოდან ასარჩევი მოსამართლეობის კანდიდატთა სამპირიან სიაში ნანა მჭედლიძეს ევა გოცირიძე ჩაანაცვლებს. აღნიშნული სია დღეს მთავრობის სხდომაზე გადაისინჯა.
კომენტარები