იუსტიციის უმაღლესი საბჭოს არამოსამართლე წევრი და პრეზიდენტის ყოფილი საპარლამენტო მდივანი ანა დოლიძე მთაწმინდის მაჟორიტარულ ოლქში საკუთარ კანდიდატურას არ წარადგენს.
როგორც “2020NEWS” ექსკლუზიურად გახდა ცნობილი, ანა დოლიძე კენჭს აღარ იყრის. როგორც ჩანს, მან გადაწყვეტილება ,სასამართლო სისტემაში არსებული ვითარების გამო, შეცვალა და მიაჩნია,რომ მისი ბრძოლა , სასამართლო სისტემაში არსებული კლანური მმართველობის წინააღმდეგ, პრინციპულად მნიშვნელოვანია.
შეგახსენებთ, სალომე ზურაბიშვილის გაპრეზიდენტების შემდეგ, მთაწმინდის მაჟორიტარულ ოლქში განმეორებითი არჩევნების ჩატარების აუცილებლობა დადგა.
მედიაში გავრცელებული ინფორმაციით, რასაც თავად ანა დოლიძეც ადასტურებდა, იგი აპირებდა არჩევნებში მონაწილეობის მიღებას.
ამ დროისთვის, ასევე მედიაში გავრცელებული ინფორმაციის მიხედვით , მთაწმინდელების მაჟორიტარობისთვის იბრძოლებენ : უფლებადამცველი სოფო ხორგუანი, ისტორიკოსი გრიგოლ გეგელია, “ქართული მარშის“ ყოფილი წევრი ლადო სადღობელაშვილი, ყოფილი პარლამენტარი კობა დავითაშვილი, ასევე ყოფილი პარლამენტარი შალვა შავგულიძე და საკრებულოს ყოფილი თავმჯდომარე ლადო კახაძე.