მიხეილ სააკაშვილის ფიგურასთან დაკავშირებით 25 წელია ვსაუბრობ, აქედან დაახლოებით 16 წელია, პოზიტიური არაფერი მითქვამს, – ამის შესახებ პარლამენტის ყოფილმა თავმჯდომარემ, „შენების მოძრაობის“ ლიდერმა, დავით უსუფაშვილმა ჟურნალისტების კითხვის საპასუხოდ განაცხადა, რომელიც პარტია „ნაციონალური მოძრაობის“ თავმჯდომარის საკითხზე მიხეილ სააკშვილის განცხადებას უკავშირდებოდა.
უსუფაშვილის თქმით, თავმჯდომარისა და სხვა მსგავს საკითხებს, ყველა პარტია თავად უნდა წყვეტდეს.
„გამოგიტყდებით, დილას არ ვიწყებ სააკაშვილის განცხადებების შესწავლით, გავეცნობი და გეტყვით. თუმცა, თუ პარტიაზეა საუბარი, ყველა პარტია თავად უნდა წყვეტდეს ამ საკითხებს და სხვა პარტიებმა უნდა მივიღოთ მოცემულობა, რომელსაც ესა თუ ის პარტია გადაწყვეტს საკუთარ ხელმძღვანელობასთან დაკავშირებით“, – განაცხადა უსუფაშვილმა.