დავით კირკიტაძე შეუძლოდ გახდა. გურჯაანის რაიონულ სასამართლოში ჩანიშნული პროცესი გადაიდება. როგორც ოპოზიციის ერთ-ერთი ლიდერის ადვოკატმა, გიორგი კონდახაშვილმა განმარტა, კირკიტაძეს ჯანმრთელობის პრობლემა შექმნა, რის გამოც სხდომას ვერ დაესწრება.
პროცედურის მიხედვით, ჩანიშნული პროცესი 15:00 საათზე დაიწყება, სადაც გადადების საკითხის განხილვა მოხდება.
კონდახაშვილის განცხადებით, სხდომას მათი წარმომდგენელი ბაადურ გულიაშვილი დაესწრება, რომელიც კირკიტაძესთან ერთად დაკავებულ ვალერი მუსაევის ინტერესებს იცავს, რომელიც გირაოთი არის გათავისუფლებული.
ოპოზიციის ერთ-ერთი ლიდერი კვლავ პატიმრობაში რჩება. კირკიტაძეს 27 მოქმედი დეპუტატი და კიდევ 2 ათასზე მეტი ადამიანი თავდებში ჩაუდგა, თუმცა რამდენიმე დღის წინ მოსამართლე ნუნუ ნემსიწვერიძემ დაცვის მხარის შუამდგომლობა არც კი განიხილა და ოპოზიციის ერთ-ერთი ლიდერი ისევ პატიმრობაში დატოვა.
დავით კირკიტაძეს ბრალად ველისციხის ინციდენტის დროს სამართალდამცავზეთავდასხმა ედება. მას ბრალის დამტკიცების შემთხვევაში, 4-დან 7 წლამდე პატიმრობა ემუქრება.
ოპოზიციის წევრები ამბობენ, რომ დავით კირკიტაძე უკანონო პატიმარია.