კახეთის პოლიციის პოლიციის სამხარეო სამმართველოში შინაგან საქმეთა მინისტრი გიორგი გახარია მივიდა. უწყების პირველი პირი შეხვედრას ესწრება, რომელიც ცოტა ხნის წინ დაიწყო. შენობაში პანკისის უხუცესთა საბჭოს წევრები და ახალგაზდები არიან.
imedinews – ის ინფორმაციით, მოლაპარაკებების პროცესში მონაწილეობას იღებს კომპანიის წარმომადგენლობა, რომელიც პანკისის სოფელ ბირკინაში ჰესის მშენებლობა აქვს დაგეგმილი.
რა შედეგით დასრულდება მოლაპარაკება ჯერ უცნობია.
ახლა პანკისის ხეობაში ვითარება დაიძაბა. ადგილზე დაპირისპირებაა პოლიციელებსა და აქციის მონაწილეებს შორის.
პანკისის ხეობაში მოსახლეობასა და სპეცდანიშნულების რაზმს შორის დღეს დაპირისპირება უკვე მოხდა. სპეცრაზმმა აქციის მონაწილეების წინააღმდეგ ცრემლმდენი გაზი გამოიყენა. ადგილზე მოსახლეობა დაგეგმილი ჰესის მშენებლობას აპროტესტებს. მშენებლობის დაწყება დღეს იგეგმებოდა.