არც ერთი მოსამართლე საკონსტიტუციო სასამართლოს ბლოკირებას არ აპირებს და ეს ინფორმაცია საფუძველს მოკლებულია, – ამის შესახებ ჟურნალისტებს საკონსტიტუციო სასამართლოს მოსამართლე ლალი ფაფიაშვილმა განუცხადა. „პირადად მე, არასდროს მითქვამს, რომ სხდომას არ დავესწრებით. ინფორმაცია, იმის შესახებ, რომ ვინმე არ აპირებს სხდომაზე დასწრებას, არ მაქვს. არც ერთ ჩვენგანს მსგავსი რამ ცალსახად არ უთქვამს, ჩვენ უბრალოდ ვთქვით, რომ გვჭირდება გონივრული ვადა საქმეთა გონივრული შესწავლისთვის. ასევე არ გვითქვამს, რომ დღევანდელი განხილვები უნდა გადაიდოს“, – განაცხადა ფაფიაშვილმა. ამასთან მოსამართლე მიიჩნევს, რომ გიორგი პაპუაშვილის მიერ გაჟღერებულ ინფორმაციაზე შესაბამისი რეაგირება უნდა მოხდეს.
კომენტარები
