ისრაელში საქართველოს საელჩოს წარმომადგენელი იმყოფება რამლეს სადეპორტო ცენტრში და ხვდება იქ მყოფ საქართველოს მოქალაქეებს, რომელთა დეპორტაცია იგეგმება საქართველოში. მათ შორის არიან გუშინ დაკავებული პირები.
საქართველოს საგარეო საქმეთა სამინისტროს ინფორმაციით, საქართველოს 29 მოქალაქიდან 12-სათვის ისრაელის საიმიგრაციო სამსახურმა უკვე შეიძინა ბილეთები. დანარჩენისთვის ბილეთების შეძენა მოხდება ეტაპობრივად.
მათივე ინფორმაციით, გაირკვა საქართველოს მოქალაქეთა სადეპორტო ცენტრში გადაყვანის მიზეზები: ქვეყანაში ყოფნის დარღვეული ვადები, ყალბი დოკუმენტების გამოყენება, ისრაელში უკანონოდ შესვლის ფაქტები.
სადეპორტაციო ცენტრში საქართველოს მოქალაქეებს მისცემენ სპეციალურ სატელეფონო ბარათებს, რომ შეძლონ ოჯახის წევრებთან დაკავშირება.
კომენტარები