ბიზნესმენი ირაკლი იაშვილი „თბილისი პრაიდთან“ დაკავშირებულ მოვლენებს სოციალურ ქსელში ეხმაურება და აცხადებს, რომ ყველაფერი გაკეთდა იმისთვის, რათა ეს ხალხი ჩაგრულებად, დევნილებად შერაცხულიყვნენ.
იაშვილის შეფასებით, ამის შემდგომ მათი ბიუჯეტი კიდევ უფრო გაიზრდება და გაზრდილი ბიუჯეტით მეტ ხალხს მიიზიდავენ.
„ჩვენ ისევ დავმარცხდით! ისევ გვაჯობეს ჭკუით! ჩვენ ისევ გავაკეთეთ ყველაფერი იმისათვის, რომ ეს ხალხი ჩაგრულებად, დევნილებად და უფლება აყრილებად შერაცხულიყო. მათი მიზანი მიღწეულია! გარე სამყაროს თვალში, განსაკუთრებით მათი დონორების თვალში ასეც მოხდა. ეჭვი არ შეგეპაროთ ერთი წამი იმაში, რომ ამის შემდგომ მათი ბიუჯეტი კიდე უფრო გაიზრდება! ამ გაზრდილი ბიუჯეტით კიდე უფრო მეტ ადამიანს მიიზიდავენ თავისთან, და, ერთი ცნობილი პერსონაჟისა არ იყოს, მალე მთელი სოფელი ეგენი გახდებიან! სწორედ ეს არის მათი მიზანი და ამ გოთვერნული მიზნისკენ ყოველდღიურად, მიზანმიმართულად წინ მიიწევენ“, – წერს სოციალურ ქსელში ირაკლი იაშვილი.
მისი თქმით, ამ პროცესს აშკარად ვიღაც ჭკვიანი მართავს. ამასთან, ბიზნესმენი ამბობს, რომ ღია სივრცეში მათი დევნა სწორად ისაა, რაც სურთ.
„აშკარად ვიღაც ჭკვიანი მართავს მათ პროცესს! ძვირფასო ჩემი პოსტის წამკითხველო, გარწმუნებ, რომ მათ შენზე გაცილებით მეტი შემოსავალი აქვთ და ღარიბ ქვეყანაში ფულს სუნი არ ასდის! მათთვის ყველაზე არასასურველი და ფატალური არის სწორედ იგნორირება. ამით დამარცხდებიან ეგენი და არა კომბლებით! ჩვენ ვერავის პირად სივრცეში ვერ შევიჭრებით და ვერ ავუკრძალავთ უკანალის არასათანადოთ გამოყენებას (ნუ, რა თქმა უნდა, ჩვენი აზრით, რადგან მათი აზრით პირიქით არის). ვიმეორებ, ვერ ავუკრძალავთ, რადგან პირადი სივრცე არის წითელი ხაზით შემოფარგლული და იქ ვერ შევიჭრებით! მაგრამ, ღია სივრცეში მათი დევნა არის სწორად ის, რაც მათ სურთ. ამიტომ პატივცემულო ბატონებო, ნუ ჩაეწერებით მათ სცენარში, ნუ წამოეგებით თითებზე და ნუ აკეთებთ მათ საქმეს! გაუშვით, გაიარონ და გამოიარონ კიდევაც. ნუ გაზრდით მათ ბიუჯეტს და ამის შედეგად მათ რაოდენობას გეომეტრიული პროგრესიით“, – წერს ირაკლი იაშვილი სოციალურ ქსელ „ფეისბუქში“.