სოსო ბერიკაშვილი სოციალურ ქსელში პოსტს აქვეყნებს.
“საქართველოს ეკონომიკა ძალიან დამოკიდებულია რუსეთზე, სამწუხაროდ.
ეს არის ცუდი, ძალიან ცუდი ამბავი.
ზოგადად ცუდია, რომ ერთ ქვეყანაზე ამდენად ხარ დამოკიდებული, კეთილგანწყობილი ქვეყანა რომც იყოს მაშინაც კი, რუსეთი არ არის კეთილგანწყობილი ქვეყანა, მტერია, დეკლარირებული მტერი.
რაც მოხდა, ცალსახად ცუდია ქართული ეკონომიკისთვის მინიმუმ მოკლევადიან პერიოდში და თან ყველაზე დაბალშემოსავლიან ფენაზე აისახება ყველაზე ცუდად. განსაკუთრებით დიდი პრობლემა იქნება ამ ზაფხულს, ტურისტულ სეზონზე.
მაგრამ ახლა გვაქვს შანსი, ვიყოთ სახელმწიფო და არა გუბერნია, გვქონდეს გრძელვადიანი ჩამოყალიბებული პოლიტიკა რუსეთის ეკონომიკური გავლენების შესასუსტებლად. გრძელვადიან პერიოდში ეს, რა თქმა უნდა კარგად აისახება ჩვენს ეკონომიკაზეც. ყველამ იცის მსოფლიოში, რომ რუსი ტურისტი არ არის ყველაზე კარგი ტურისტი. ეს ყველაფერი გაზრდის ჩვენი სერვისისის ხარისხს და ფასს, ისევე, როგორც გაიზარდა ღვინის ხარისხი და ფასი მაშინ.
ახლა ყველას გვმართებს ერთად დგომა, მშვიდად, მჯიღის გარეშე, უნდა ვიფიქროთ, რა შეგვიძლია გავაკეთოთ. მარტო მთავარობა მართლა ვერაფერს გახდება პოლიტიკური ნების არსებობის შემთხვევაშიც კი.
გაგვიჭირდება, არ იქნება იოლი, მაგრამ შევძლებთ. რუსეთმა ეს გააკეთა შეგნებულად, რომ უფრო დავცხოთ ერთმანეთს, ყველაზე მტკივნეულ ადგილას დაგვაჭირა. იმედია, არ ავუსრულებთ პუტინს ოცნებებს.”