მოძრაობა “სახალხო სამართლის” ლიდერი ოთარ სტეფანიშვილი მიმდინარე მოვლენებს ეხმიანება და საკუთარ მოსაზრებებს აქვეყნებს:
„გულანთებული ახალგაზრდები პარლამენტის წინ შეიკრიბნენ და გავრილოვის ვიზიტი და პარლამენტში მომხდარი ფაქტი გააპროტესტეს. მოითხოვეს ასევე პარლამენტის თავჯდომარის გადაყენება. აქციას ხალხი ემატებოდა და საკმაოდ მშვიდობიანი ხასიათი ჰქონდა. ამდენი ხალხის დანახვაზე სახლში, დივანზე წამოგორებულმა გუბაზიკომ, ბორდელმენმა ოქრუაშვილმა, კაგებეშნიკმა ვაშაძემ, მილიონერმა უგულავამ და ათასი ჯურის ავანტიურისტმა იფიქრეს: ე, ბიჭო ჩვენი დროაო და რევოლუციური სცენარის ამოქმედებას შეუდგნენ. უცებ მოაჯდნენ ახალგაზრდების აქციას თავზე იმავე ახალგაზრდების მიერ მათი ჩართულობის წინააღმდეგ გამოთქმული პროტესტის მიუხედავად და პარლამენტის შენობის შტურმით აღება გადაწყვიტეს. რა მოხდა და როგორ განვითარდა მოვლენები ეს ჩემზე კარგად იცით.
გადაიარა იმ საშინელმა ღამემ და ფეისბუქის ჯგუფში “სირცხვილია” დაშოკილი ახალგაზრდები წერდნენ იმის შესახებ, რომ პოლიტიკოსებმა აქცია აახიეს და პროვოკაცია მოუწყვეს, ისევ შეთანხმდა ყველა, რომ ახლოს აღარ გაიკარებდნენ არავის. გათენდა მეორე დღე, დადგა საღამოს 7 საათი, დაიწყო საპროტესტო აქცია. გაქცეული პოლიტიკოსები ისევ უკან დაბრუნდნენ და ისევ, მოუნდათ აქციის წარმართვა, თუმცა ახალგაზრდებმა პირდაპირი და გადატანითი მნიშვნელობით, დედის ტ@აკი დააფარეს თავზე ბოკერიას, უგულავას, ვაშაძეს და აქციიდან მიაბრძანეს. რა უნდა ექნათ ნაციონალურ მოძრაობას და ე.წ. ოპოზიციას? “პლან ბ”-ზე გადავიდნენ.
ახალგაზრდების პროტესტის დანახვაზე, მიხეილ სააკაშვილი სკაიპით ურეკავს ე.წ. გაერთიანებული ოპოზიციის ლიდერებს და მათთან ერთად მყოფ “რუსთავი 2”-ის გენერალურ დირექტორს ნიკა გვარამიას და იძლევა კონკრეტულ დავალებებს: “რადგან პარლამენტთან შეკრებილი ახალგაზრდები, პოლიტიკოსებს აღარ გიკარებენ ამიტომ, თქვენს მაგივრად საწყის ეტაპზე ჩვენს, მიერ მართული ენჯეო და სამოქალაქო “სასტავი” გავუშვათ. მიშამ ნიკას, ხოლო ნიკამ მიშას ოღონდ სააკაშვილს კი არა, მის თანამშრომელს მიშა მშვილდაძეს დაავალა მთელი “ჩცდ”-ს “სასტავი” და ფორმულა “კრეატივის” გუნდი მიეყვანა საპროტესტო აქციაზე და ხელში აეღოთ ე.წ. აქციის მოდერატორობა. ნაცმოძრაობას კი დაევალა სცენა და ტრიბუნა მოეწყო პარლამენტის წინ “უსასყიდლოდ, ვითომ ახალგაზრდებისთვის.” დავალება 5-იანზე შესრულდა, დილით “ნაცმოძრაობამ” სცენა დაამონტაჟა შუადღეს მიშა მშვილდაძის სასტავი დაუკავშირდა ჯგუფ ”სირცხვილიას” ორგანიზატორებს და დახმარება შეთავაზა.
საღამოს “ნაციონალური მოძრაობის” მიერ დადგმულ სცენაზე, აქციის მოდერატორად და სპიკერად გამოცხადდა მიშა მშვილდაძე, ტრიბუნასთან ასასვლელი გზას აკონტროლებდნენ “ჩემი ცოლის დაქალების” სცენარისტები და მსახიობები და ე.წ. არაპარტიული აქცია დაიწყო. მოკლედ ვინც არ იცით, რომ იცოდეთ. მიხეილ სააკაშვილი არის “ნაციონალური მოძრაობის” რეალური ერთპიროვნული ლიდერი, ნიკა გვარამია არის მიხეილ სააკაშვილის დაქვემდებარებაში მყოფი მონა, მიშა მშვილდაძე არის ნიკა გვარამიას თანამშრომელი და მონა, თქვენ კი მანდ ვინც გატყუებთ, კარგად გაიაზრეთ დიქტატორის მონის, მონა როდესაც გეტყვით აი იქ უნდა წახვიდეთო, სად წახვალთ. ბოლოს მაინც ეგენი უშვებენ ნა*უიზე ქართველ ერს. ესაა ფაიზაღი ნათქვამი და “ნაცტროლენბმაც” მშვენივრად იცით, რომ თქვენი გეგმა გაშიფრულია.
პატივისცემით: ოთარ სტეფანიშვილი“