უფლებადამცველმა და სახალხო დამცველის ყოფილმა მოადგილემ სოფიო ხორგუანმა სატელევიზო ეთერში თბილისში მიმდინარე საპროტესტო აქციებზე და აქციების ორგანიზატორებისგან წამოყენებულ პირობებზე ისაუბრა. “ჩვენ მოქალაქეები შეჩვეული ვართ, რომ პოლიტიკოსები ძალიან ბევრს გვატყუებენ და გვიბედავენ ჩვენ მოქალაქეებს. ახლა საუბარი რომ არის გადადგეს შინაგან საქმეთა მინისტრი, პოლიტიკური პასუხისმგებლობა მხოლოდ გადადგომა არის?
მე არ მეკითხებიან მოქალაქეს. როდესაც ჩემი შინაგან საქმეთა მინისტრი, ჩვენი შინაგან საქმეთა მინისტრი გამოვიდა და გვითხრა, რომ ყველა დამნაშავე აგებს პასუხს, შემდეგ გამოვიდა და თქვა, ყველა აგებს პასუხს, ვინც ძალადობას გაუწია ორგანიზება და ის ვინც გადაცდომა ჩაიდინა.
მე ამ შედეგს ველოდები, ჩემთვის ეს შედეგია მნიშვნელოვანი და არა გადადგომა. შედეგი, რომელსაც საჯაროდ დაგვპირდა შინაგან საქმეთა მინისტრი, უსაფრთხოების საბჭოს მდივანი და ვიცე-პრემიერი. ის დაგვპირდა, რომ ყველა ვინც დანაშაული ჩაიდინა პასუხს აგებს. ის ვინც გადაცდომა ჩაიდინა, აუცილებლად მინდა პასუხი თუნდაც რატომ გყავს ამდენი დაშავებული პოლიციელი. პოლიტიკური პარტიის წევრობა, ინდუგლენცია რომ არ არის ამასაც უნდა შევეჩვიოთ. რა მნიშვნელობა აქვს სტატუსს, თუ მან სისხლის სამართლის დანაშაული ჩაიდინა. პოლიციამ თუ გადაცდომა ჩაიდინა არ ვაპატიოთ და ის თუ ვინმემ ძალადობა ჩაიდინა ვაპატიოთ. ეს როგორი სამართლებრივი სახელმწიფოა?! მე მახსოვს პოლიცია, რომელიც “მიშა-მიშას” სკანდირებდა 6 მაისს პოლიციის სამმართველოსთან. მახსოვს პოლიცია, რომელმაც 7 ნოემბერს სახალხო დამცველი გალახა, იმიტომ რომ სახალხო დამცველი იყო, გალახა ჟურნალისტი იმიტომ რომ ჟურნალისტი იყო. შევარდა ტელევიზიაში იმიტომ, რომ ტელევიზია იყო. ეს ყველაფერი მახსოვს, მაგრამ არასოდეს მიკადრებია, რომ პოლიციელისთვის “შნირი” მეკადრებინა, ვანო მერაბიშვილის შნირი, ან მიშა სააკაშვილის “შნირი.” ნუ გვიბედავენ, პოლიტიკოსები ამას, თუნდაც ვინმეს გადაცდომა ჰქონდეს, პოლიციელი არავინ არავის შნირი არ არის. გიგაური რომ გვეუბნება ახლა გადადგეს შინაგან საქმეთა მინისტრიო, თვითონ გადადგა 7 ნოემბერს, ხო იყო მაშინ შინაგან საქმეთა სამინისტროს თანამშრომელი ხომ იყო. 8 ნოემბრის შემდეგ გადადგა? როცა ბათუმში ფეხმძიმე გოგო დაშავდა,” – განაცხადა სოფიო ხორგუანმა.