ჟურნალისტი ლია ტოკლიშვილი სოციალურ ქსელში პოსტს აქვეყნებს.
“ამ წუთში ჩვენთან, საზოგადიებრივ მაუწყებელში, მოსულია მოქალაქე ირაკლი ხომასურიძე, 56 წლის თბილისელი მამაკაცი. მას მარჯვენა თვალი დაზიანებული აქვს 2009 წლის 6 მაისს შინაგან საქმეთა სამმართველოსთან მოქალაქეთა მშვიდობიანი აქციის დარბევის დროს. მაშინ, როდეასაც ბატონ ირაკლის თვალი დაუზიანეს, პლასტიკური ჭურვის გამოყენება ჯერ კიდევ არ იყო დაკანონებული. ბატონმა ხომასურიძემ წარმოგვიდგინა დაზარალებულად ცნობის დამადასტურებელი საბუთი, ყველა დოკუმენტი, რომლებიც ადასტურებს, რომ ბატონი ირაკლი თავად მაშინდელი ხელისუფლების წარმომადგენლებმა წაიყვანეს ვენაში სამკურნალოდ. ირაკლი ხომასურიძე ყვება, როგორი თავგანწირვით ითხოვდა, რომ არ დაკანონებულიყო საქართველოში პლასტიკური ჭურვის გამოყენება. თუმცა, მომხდარიდან დაახლოებით თვე-ნახევარში საქართველოს მაშინდელმა ხელისუფლებამ დააკანონა ასეთი ტყვიების გამოყენება. შედეგად, 26 მაისის აქციის დარბევის დროს მეორე მოქალაქეს დაუზიანა თვალი იმავე იარაღმა…
ბატონი ირაკლი გვთხოვს, ჩავატაროთ ჟურნალისტური გამოძიება იმის დასადგენად, რატომ დაუშვეს ასეთი ტრაგიკული ფაქტის შემდეგ მაღალი რისკის შემცველი იარაღის დაკანონება და რატომ არ ფიქრობენ დღეს, როდესაც უკვე ამდენ ადამიანს მიაყენა აღნიშბულმა იარაღმა, პრაქტიკულად, გამოუსწორებელი ზიანი, რატომ არავინ ფიქრობს კანონის შეცვლაზე”.