პროკურატურის ბრიფინგმა, კიდევ ერთხელ, მთელს საზოგადოებას სრულიად ნათლად დაანახა, თუ როგორ ცდილობენ პარლამენტზე მიტანილი შტურმის ორგანიზატორები პასუხისმგებლობის თავიდან აცილებას და მათთვის დამახასიათებელი უხეში მონტაჟით, მტკიცებულებების კონტექსტის შეცვლით, ფალსიფიკაციით, საკუთარი უდანაშაულობის ილუზიის შექმნას, – ამის შესახებ ექსპერტი ლევან ნიკოლეიშვილი ფეისბუქის საკუთარ გვერდზე წერს.
“საზოგადოებამ პირდაპირ ეთერში იხილა, თუ როგორ მოუწოდებდა და როგორ მიჰქონდა ძალადობრივი იერიში სახელმწიფო ინსტიტუტზე ნიკა მელიას, რის პარალელურადაც გარკვეულ ეპიზოდებში ცდილობდა მის მიერვე ორგანიზებული ძალადობრივი აქტისთვის მოჩვენებითად მიეცა მშვიდობიანი ხასიათი და რეალური დანაშაულებრივი განზრახვის შესანიღბად, პერიოდულად, ფორმალურად იყენებდა ისეთ მოწოდებებს, როგორიცაა ,,ჩვენ უნდა შევიდეთ, მშვიდობიანად, ხელებაწეულები პარლამენტის შენობაში“ და ა.შ.
ამავე მიზანს ემსახურებოდა ნიკანორ მელიას მოჩვენებითი მზაობა, მოლაპარაკების გზით ამოეწურა კონფლიქტი, რადგან ამ განცხადების პარალელურად, მელიას მიერ ორგანიზებული ძალადობა პოლიციის კორდონზე კიდევ უფრო ძლიერდებოდა.
ვერავითარი ფალსიფიცირებული, ინტერპრეტირებული მტკიცებულებები და ვერავითარი უდანაშაულობის ილუზიის შექმნის მცდელობა ვერ აარიდებს სს პასუხისმგებლობას იმ პირებს, ვინც ძალადობრივი იერიში მიიტანა საქართველოს კონსტიტუციასა და სახელმწიფო ინსტიტუტზე.
ამასთან, გამოძიება გაგრძლედება და დადგება იმ პოლიციელების პასუხისმგებლობის საკითხიც, ვინც იმ ღამეს საკუთარ უფლებამოსილებას გასცდა და კანონი დაარღვია”, – წერს ლევან ნიკოლეიშვილი.