ეკა ბესელია აცხადებს, რომ მასზე, როგორც იურიდიული კომიტეტის თავმჯდომარეზე, შეტევა ხორციელდებოდა. როგორც მან განმარტა, შეტევა იმ მოტივით ხორციელდებოდა, რომ იურიდიულ კომიტეტს მოსამართლეთა სიისთვის მხარი დაეჭირა.
„დეკემბრის ბოლო კვირას დაიწყო ეს დიდი შემოტევა პარლამენტში და უშუალოდ ჩემთან ხდებოდა ეს შემოტევა, იმიტომ, რომ მე ვიყავი მაშინ იურიდიული კომიტეტის თავმჯდომარე, რომელსაც ის 10-კაციანი სია უნდა გამოეტანა და მთხოვდნენ პირდაპირ, რომ გამომეტანა ეს სია კომიტეტის სხდომაზე იმ პირობებშიც კი, თუნდაც მათ წინააღმდეგ მიმეცა ხმა, მაგრამ გამომეტანა და არ დამებლოკა ეს სია. პირადად ირაკლი კობახიძისგან იყო ეს თხოვნა“ , – განაცხადა ბესელიამ.
კომენტარები