8 აგვისტოს, საქართველოს პრეზიდენტი სალომე ზურაბიშვილი სოფელ გრემისხევში, საოკუპაციო ხაზთან მცხოვრებ მოსახლეობას შეხვდა.
„ჩვენ არ ვივიწყებთ მომხდარ ტრაგედიას, მაგრამ მიმაჩნია, რომ მიუღებელია მხოლოდ წარსულზე ფიქრი. დღევანდელი დღე უნდა ვაქციოთ იმედის დღედ. ამისათვის კი, მთავარი ძალისხმევა ადგილობრივი მოსახლეობის ხელშეწყობისა და მხარდაჭერისაკენ უნდა მივმართოთ“ – განაცხადა სალომე ზურაბიშვილმა.
მისი თქმით, ქვეყნის განვითარებისთვის, ადგილობრივი მოსახლეობის გაძლიერებას განსაკუთრებული მნიშვნელობა აქვს.
„დღეს თქვენ, საოკუპაციო ხაზის პირისპირ მდგარი, ოკუპაციის წინაარმდეგ მებრძოლი საქართველოს ჯარისკაცები ხართ, ამიტომაც აუცილებელია თქვენი ყოფის შემსუბუქება, დახმარება და თქვენს უსაფრთხოებაზე ზრუნვა..“– მოსახლეობასთან საუბრისას აღნიშნა საქართველოს პრეზიდენტმა სალომე ზურაბიშვილმა.
საქართველოს პრეზიდენტმა გრემისხევის მოსახლეობას, ერთი თვის წინ, თიჯრობის დღესასწაულზე სტუმრობისა, ადგილობრივი მოსახლეობის თხოვნის, გზის მშენებლობის შესახებ, გადაწყვეტილების შესახებ ინფორმაცია გააცნო: 12 კილომეტრიანი გზის მონაკვეთის მშენებლობა, მომავალ წელს დაიწყება.