რუსთავი 2“ – ის ყოფილი გენერალური დირექტორი ნიკა გვარამია გირაოს გადახდას არ აპირებს, ასეთის დაკისრების შემთხვევაში.
გვარამიამ საქალაქო სასამართლოს ეზოში ჟურნალისტებს განუცხადა, რომ მას აქვს მტკიცებულებები, რომელიც უდანაშაულობას ამტკიცებს და თუ მას ბრალს არ მოუხსნიან, ეს უკვე სასამართლოს პრობლემა იქნება.
რაც შეეხება პროკურატურის კიდევ ერთ მოთხოვნას, რომელიც „რუსთავი2“ – ის ყოფილი გენერალური დირექტორისთვის ქვეყნის საზღვრების დატოვების აკრძალვა მის გეგმებს უკავშირდება. გვარამიამ აღნიშნა, რომ იმ ტელევიზიის ინვესტორები, რომლის დახმარებითაც არხის გახსნას გეგმავს, საზღვარგარეთ იმყოფებიან და მათთან შეხვედრებს ვეღარ გამართავს, ასეთ ინვესტორთა შორის მან ზაზა ოქუაშვილი დაასახელა.
სასამართლო სხდომა, რომელზეც გვარამიასთვის აღკვეთის ღონისძიებაზე უნდა იმსჯელონ, 20:00 საათზე იყო ჩანიშნული.
პროკურატურა 80 000 ლარის გირაოს ითხოვს.