დღეს, ერგნეთში ინციდენტების პრევენციისა და მათზე რეაგირების მექანიზმის 95-ე შეხვედრა გაიმართება.
ქართული მხარის ინფორმაციით, განსახილველ საკითხებს შორის არის ბოლო თვეების განმავლობაში გუგუტიანთკარში განვითარებული მოვლენები; საოკუპაციო რეჟიმის მხრიდან უკანონო დაკავებები, მცოცავი ოკუპაციის და უკანონო საზღვრების გავლების პროცესი. ასევე, შეხვედრაზე არჩილ ტატუნაშვილის საკითხზეც ისაუბრებენ.
ერგნეთის შეხვედრისთვის ემზადება დეფაქტო მთავრობა.
მანამდე კი შეიარაღებულმა ფორმირებებმა ზნაურის რაიონში რეიდი ჩაატარეს. ინფორმაციას არაღიარებული სამხრეთ ოსეთის დე ფაქტო მთავრობა ავრცელებს.
„ჯავშანტექნიკით რეიდი ადგილობრივი მოსახლეობის უსაფრთხოების უზრუნველყოფას, ასევე საზღვარზე შესაძლო პროვოკაციული ინციდენტების ლოკალიზაციას უკავშირდება“, – ნათქვამია განცხადებაში.