მომდევნო ერთი კვირის განმავლობაში აღმოსავლეთ საქართველოში საღამოს საათებში ხანმოკლე წვიმა ელჭექით და სეტყვაა მოსალოდნელი.
გარემოს ეროვნული სააგენტოს ჰიდრომეტეოროლოგიური პროგნოზების სამსახურის უფროსის სვეტლანა ნიორაძის განცხადებით, აღმოსავლეთ საქართველოში ღამისა და საღამოს საათებში, ყოველდღიური წვიმა მდინარეებში წყლის დონის მკვეთრად მომატებას ან სხვა საშიშ მოვლენებს არ გამოიწვევს.
სეტყვა შესაძლებელია დაფიქსირდეს კახეთის რეგიონში, ასევე ქვეყნის მთიან და მაღალმთიან რაიონებში. დასავლეთ საქართველოში კი სეტყვის შემთხვევები ნაკლებად არის მოსალოდნელი, ზოგიერთ რაიონში იქნება ხანმოკლე მცირე წვიმა. 14-15 მაისს სინოპტიკოსები საქართველოში დღისით ჰაერის ტემპერატურის მკვეთრ მატებას პროგნოზირებენ. კერძოდ, 24-29 გრადუსამდე.
ჰაერის ტემპერატურა უახლოეს სამი დღის განმავლობაში მთაში და მაღალმთიან რაიონებშიც მოიმატებს და დღისით 17-22; 18-23; 18-24 გრადუსი იქნება. თბილისში კი ხვალ დღისით ჰაერის ტემპერატურა 23 გრადუსი იქნება, იგივე ტემპერატურაა მოსალოდნელი 13 მაისსაც. 14 მაისს კი დღისით 28 გრადუსი დაფიქსირდება. საღამოს საათებში კი წვიმა და ეჭექია მოსალოდნელი.