ბარსელონის აეროპორტში, “საქართველოს ავიახაზების” 20 ოქტომბრის ბარსელონა-თბილისის რეისის გაუქმების, ამ დროისთვის საქართველოს 7 მოქალაქე იმყოფება.
ბარსელონაში საქართველოს გენერალური კონსულის ინფორმაციით, მათი მგზავრობის ალტერნატიული მარშრუტი “საქართველოს ავიახაზებთან” უკვე შეთანხმებულია და ისინი, სავარაუდოდ, დღესვე შეძლებენ დანიშნულების მიხედვით გამგზავრებას.
ბარსელონაში შექმნილი სიტუაციისა და თვითმფრინავის მიღების და ეკიპაჟის უსაფრთხოების გარანტიის არარსებობის გამო, თბილისიდან 20 ოქტომბერს დაგეგმილი რეისი ბარსელონის მიმართულებით არ განხორციელდა და შესაბამისად, გაუქმდა ბარსელონა-თბილისის რეისიც.
“საქართველოს ავიახაზების მიერ მოქალაქეებისთვის შეთავაზებული იყო შექმნილი ვითარების გადაწყვეტის რამდენიმე ვარიანტი, რომლის მიხედვითაც, ყველა მგზავრმა მიიღო შესაბამისი გადაწყვეტილება. რეისის გაუქმების შედეგად შექმნილი ვითარების გამო ბარსელონაში საქართველოს გენერალური საკონსულო დაუყოვნებლივ ჩაერთო პროცესში და გენკონსულმა პირადად მოინახულა აეროპორტში მყოფი მოქალაქეები“, – განმარტავენ საგარეო უწყებაში.