შვილის მკვლელობისთვის მსჯავრდებული არასრულწლოვნის ქმარი გორის პოლიციაში იმყოფება. მიხეილ დვალიშვილის ადვოკატის თქმით, საქმე არასრულწლოვან გოგოსთან სექსუალურ თანაცხოვრებას ეხება:
“საგამოძიებო მოქმედებები ეხება იმ კონკრეტულ საქმეს, როდესაც საერთო თანაცხოვრება ჰქონდათ, გავიგებთ რა საქმეა და მოგახსენებთ დეტალურად”- აცხადებს მიხეილ ჩომახაშვილი.
16 წლის გოგო 7 თვის შვილის მკვლელობის ბრალდებით დააკავეს. საქმის მასალების თანახმად, ბრალდებულმა საკუთარ სახლში 7 თვის შვილი გვიან ღამით საწოლში გაგუდა და სახლიდან გაიქცა.
მიმდინარე გამოძიებით დადგინდა, რომ გოგო ორსულობის დროს 16 წლის ასაკს მიუღწეველი იყო, რაც საქართველოს სისხლის სამართლის კოდექსის 140-ე მუხლით გათვალისწინებული დანაშაულის ნიშნებს შეიცავს. აღნიშნული მუხლი 9 წლამდე პატიმრობას ითვალისწინებს.
კომენტარები