“ქართული ოცნება” ეკლესიის თემით სპეკულირებას ცდილობს, – ასე გამოეხმაურა “ევროპული საქართველოს” წევრი გიორგი კანდელაკი, პარლამენტის თავმჯდომარის არჩილ თალაკვაძის განცხადებას, რომლის მიხედვითაც, ის, ეკლესიაში მიმდინარე პროცესების მიღმა, ოპოზიციურ ძალებს ხედავს.
“ქართული ოცნება”, ცდილობს მის მიერვე შექმნილი, გავრილოვის ჩამოყვანით გამოწვეული კრიზისი წარმოაჩინოს, როგორც არა ხალხის სამართლიანი პროტესტი, არამედ რაღაც შეთქმულება და ამბოხება. “ქართული ოცნება”, რაც მისთვის დამახასიათებელი იყო ოპოზიციაში ყოფნის დროსაც და ახლაც, ცდილობს, რომ რელიგიის, ეკლესიის თემით, რაღაცნაირად ისპეკულიროს ყოვლად ამაზრზენი, ამორალური და ბინძური ფორმით,” – აღნიშნა კანდელაკმა.
კომენტარები