ალექსანდრე ერქვანიას მიერ საპარლამენტო უმრავლესობის დატოვებას უმრავლესობის ლიდერი მამუკა მდინარაძე გამოეხმაურა.
“ბოლო რამდენიმე თვის განმავლობაში ის ფორმალურად ირიცხებოდა უმრავლესობის რიგებში და გუნდიდან მისი წასვლა მოსალოდნელი იყო. თუმცა, რა თქმა უნდა, სამწუხაროა, რომ “ნაცმოძრაობის” სხვადასხვა სატელიტი ებრძვის ეკლესიას, ხატებიც კი გამოაქვთ აქციაზე. მოთხოვნა იმისა, რომ კიდევ უფრო მეტად შევუტიოთ ასეთ ადამიანებს, რომლებიც ეკლესიის წინააღმდეგ იბრძვიან, შეიძლება ლეგიტიმურიც იყოს, თუმცა ჩვენ ვფიქრობთ, რომ არ ვიშურებთ ძალ-ღონეს იმისათვის, რომ ეკლესიის მიმართ ჩვენი დამოკიდებული იყოს სწორად ტირაჟირებული საზოგადოებაში,” – განაცხადა მამუკა მდინარაძემ.
ალექსანდრე ერქვანიამ საპარლამენტო უმრავლესობა დატოვა. გადაწყვეტილების შესახებ დეპუტატმა განცხადება დღევანდელ სესიაზე გააკეთა.