დამოუკიდებელი დეპუტატი ეკა ბესელია, იურიდიული კომიტეტის თავმჯდომარე ანრი ოხანაშვილის ტრიბუნასთან მივიდა და უზენაესი სასამართლოს მოსამართლეობის კანდიდატებისთვის კენჭისყრის პროცედურის დაწყების საშუალება არ მისცა. ამის შემდეგ კომიტეტზე ტექნიკური შესვენება გამოცხადდა. კომიტეტის დარბაზში ისევ ხმაურია. ოხანაშვილს სხდომის დაწყების საშუალებას არ აძლევენ.
უზენაესის მოსამართლეობის კანდიდატების 20-კაციან სიას ოპოზიცია და დამოუკიდებელი დეპუტატები აპროტესტებენ.
დღეს პარლამენტმა უზენაესი სასამართლოს მოსამართლეობის 20 კანდიდატს უნდა უყაროს კენჭი.
საკონსტიტუციო სასამართლოს თავმჯდომარემ კანდიდატურა მოხსნა, თუმცა პროცედურების მიხედვით ზაზა თავაძეს კენჭს ფორმალურად მაინც უყრიან. ირკვევა, რომ დაამტკიცებენ არა ცხრამეტს, არამედ იმდენს, რამდენიც უზენაესი სასამართლოს ფუნქციონირებისთვის ამ ეტაპზე აუცილებელია.
პარლამენტთან კი საპროტესტო აქციები დილიდან მიმდინარეობს.