პარლამენტში “ნაციონალური მოძრაობის” წევრი რომან გოცირიძე და საპარლამენტო უმრავლესობის წარმომადგენელი დაჩი ბერია ერთმანეთს ფიზიკურად დაუპირისპირდნენ.
რომან გოცირიძის განცხადებით, დაპირისპირება მის “ფეისბუქ პოსტს” უკავშირდება.
”ვუთხარი ის რაც არის, ის არის ყოველთვის შავი საქმის შემსრულებელი. ხუმრობით დავწერე ამაზე პოსტი, რომ ნაცვლად იმისა, რომ ივანიშვილმა დასაჯოს ურჩი დეპუტატები, პირიქით აჯილდოვებს მათ, ან კომიტეტის თავმჯდომარეები, ან ვიცე-სპიკერები გახდნენ-თქო. ივანიშვილმა დასაჯა დიმიტრი ხუნდაძე და კომიტეტის თავმჯდომარეობა მიუსაჯა სასჯელად-მეთქი. რაც შეეხება დაჩი ბერაიას, მან გაიგო, რომ შესაძლებელია რაიმე ცუდის გაკეთება კარგად დამთავრდეს და ივანიშვილს აგინა-მეთქი გავიხუმრე. შესაძლებელია, რომ დაჩი ბერაიამ ჯანდაცვის მინისტრობა “დაირტყას”-თქო, როგორც ჩანს მოვიდა და ეს გააპროტესტა”, – განმარტა გოცირიძემ.