ოკუპანტების მიერ გატაცებული ექიმის, ვაჟა გაფრინდაშვილის მეუღლე პრემიერ-მინისტრთან შეხვედრას ითხოვს. ამის შესახებ თამილა ლაფანაშვილმა ადვოკატთან ერთად გამართულ პრესკონფერენციაზე განაცხადა.
მისი თქმით, რაც მოხდა, დიდი შოკი და იმედგაცრუება იყო.
„მაქსიმალური სასჯელი იქნა გამოტანილი, რასაც არავითარ შემთხვევაში არ შევეგუებით. ადამიანი ისჯება მხოლოდ იმისთვის, რომ რისიც სჯერა, არანაირი კრიმინალი და დანაშაული არ ჩაუდენია. ისჯება სწორი იდეებისთვის. ისევ მივმართავთ საერთაშორისო საზოგადოებას, რატა მაქსიმალური გააქტიურება მოხდეს და სასწრაფოდ გადაიჭრას ეს საკითხი – ეს არის ღირსების საქმე როგორც მოქალაქეებისთვის, ასევე სახელწმიფოსთვის და ადამიანის უფლებებზე მომუშავე საერთაშორისო ორგანიზაციებისთვის.
დარწმუნებული ვარ, რომ ჩვენი სახელმწიფო გვერდით დაგვიდგება“, – აღნიშნა თამილა ლაფანაშვილმა.