სასწრაფო-სამედიცინო დახმარებას 80 ახალი ავტომობილი ჰყავს. ამის შესახებ დედაქალაქის მერმა კახა კალაძემ განაცხადა.
მისი ინფორმაციით, ახალი ავტომობილები უახლესი ტექნოლოგიებით არის აღჭურვილი.
„სასწრაფო-სამედიცინო დახმარების 80 ახალი ავტომობილი შემოვიდა, რომელიც დღეიდან მოემსახურება თბილისის მოსახლეობას.
მინდა ცოტა უკან დავბრუნდე და ყურადღება გავამახვილო იმ მნიშვნელოვან რეფორმაზე, რომელიც ჩვენ 2012 წლის შემდგეგ განვახორციელეთ ჯანდაცვის მიმართულებით. ჯანდაცვა დღეს არის ერთ-ერთი უმნიშვნელოვანესი პრიორიტეტი. ჩვენ რა თქმა უნდა არ ვრჩერდებით იმ განხორციელებულ რეფორმებზე, რომელიც წლებს განმავლობაში გაკეთდა და ძალიან ბევრი საინტერესო პროგრამა იქნა მიწოდებული საზოგადოებისათვის, ძალიან ბევრმა ადამიანმა ისარგებლა ჯანდაცვის პროგრამებით და ძალიან ბევრ ადამიანს შეუნარჩუნდა სიცოცხლე, რაც ძალიან მნიშვნელოვანია. თუმცა, ჩვენთვის მთავარი, მნიშვნელოვანი მიმართულება გახლავთ ის, რომ ჯანდაცვა ზოგადად ხელმისაწვდომი უნდა იყოს ნებისმიერი ადამიანისათვის, ყველანირი პრობლემების გარეშე. ჩვენ ამ მიმართულებით ვმუშაობთ“, – აღნიშნა კახა კალაძემ.
თბილისის სასწრაფო-სამედიცინო მომსახურების ცენტრი, რომელიც დედაქალაქის მერიას ექვემდებარებოდა, ჯანდაცვის სამინისტროში გადავიდა.
თბილისის მერის განცხადებით, ეს გადაწყვეტილება სამართლიანია.
„მთლიანად ერთიან სისტემაში მოექცევა სასწრაფო-სამედიცინო დახმარების ეს მიმართულება, ერთი მენეჯმენტის ქვეშ იქნება, რაც ძალიან ეფექტური იქნება. მინდა ჩემს ყველა ყოფილ თანამშრომელს მადლობა გადავუხადო თავიანთი საქმიანობისთვის, რასაც ყოველდღიურ რეჟიმში ახორციელებდნენ – ეხმარეობდნენ დედაქალაქის მოსახლეობას, ჩვენს სტუმრებს. არანაირი მნიშვნელობა არ აქვს, თუ რომელი უწყების ქვეშ ვიქნებით ჩვენ, ყველა ვესამხურებით ქვეყანას, ჩვენს ხალხს“, – განაცხადა კახა კალაძემ.